/ .. كــــل ٍعــلــى طـبـعــه يـجـيـبـه حـلـيـبـه .. /

[عزوز]

.,
,

درهـ شعــريـــه لـ الشاعــر العذب / مشعــل بن دهيــم الظفيـــري

يقــــول ::/


يالله تعديهـا علـى خيـر وتصـيـب
مـن حدنـى اكتـب خمالـه وعيبـه
يبغي الصراحه مابهـا شـك او ريـب
اقولهـا والـنـاس كــل ٍ وطيـبـه
الحـر مـا ينفـع بلـيـا مخالـيـب
والعقـل للرجـال زيـنـه وهيـبـه
والسالفـه ماهـى بلحيـه مواجيـب
كـل ٍعلـى طبعـه يجيبـه حليـبـه
بعـض المنابـت للمراجـل عذاريـب
وبعـض المنابـت للمراجـل خصيبـه
رجل ٍ يبـي طاريـه عنـد الاشانيـب
ورجل ٍ يبـي طاريـه عنـد الحبيبـه
ورجـل ٍ يـودي بالسواليـف ويجيـب
ورجـل ٍ سواليفـه لفعلـه تجيـبـه
ورجل ٍ يغض الطرف عن جارت صحيب
ورجل ٍ عيونه فـي محـارم صحيبـه
ورجـل ٍ تسـد بغيبتـه يومـه يغيـب
ورجـل ٍ ولا تقـدر تـسـد مغيـبـه
ورجل ٍ يغيب ويفقدونـه هـل الطيـب
ورجل ٍ اليا من غـاب محـدن دريبـه
ورجل ٍ تشوف بخوتـه لـك مكاسيـب
ورجل ٍ تشـوف بخوتـه لـك غليبـه
ورجل ٍ اذا اخطا يرى نفسـه مصيـب
ورجـل ٍ اذا اخطـا يراهـا مصيـبـه
باأهلـك مـاوالله انـا لاقـي ٍ عيـب
تـاج ٍ علـى روس المراجـل وهيبـه
اشره وشره كـان تبغـي المواجيـب
عط حـق تاخـذ حـق مابـه معيبـه

[oJgJI JIjJj]

صح لسانه ,,
رائعهـ,


عوافي عزوز ع النقل